Bisan kun luya na ang tuhod

Sa pag-abli sa klase, ang mga katekista mangabli pud sa ilang mga kasing-kasing sa pagsangyaw sa mga pulong ug pagtulon-an ngadto sa mga kabataan.

Kini ang mga tawo nga ang pagpangalagad wala magapas ug bayad sa ilang mga panahon nga igahin alang sa pagtudlo sa mga kabataan sa gugma ug kahimayaan sa Ginoo. 

Ang ila lamang gikuptan mao ang ilang gugma ngadto sg Ginoo.

Usahay matandog ka sa mga edaran nga mga katekista nga magkendangkendang na sa paglakaw ug halos dli na makalakan apan padayon gihapon sa ilang mga gimbuhaton isip  mga katekista kay ang ilang kinabuhi gigahin nila sa maong tahas.

Angay silang himoong sumbanan sa mga tawo nga usahay maluya sa pagpangalagad tungod sa mga babag nga ilang nasinati sa ilang panaw sa kinabuhi.    

Kaninyo mga katekista ako iampo sa kanunay nga ang Ginoo magagiya ug mag uban kaninyo.

 Ang matuod nga pagpangalagad dli ang pangidaron ang mahimong sukdanan kung dili ang imo commitment sa pagdawat sa tahas nga isanong kanimo.

Ang kinabuhi nga buot natong puyan nagdepende kini sa atong pagdala kung unsaon nato paghimo.

Wala kini nagkahulogan kung anaa na kita sa katiguwangon mohunong na kita sa atong pagalagad sa Ginoo.

Samtang makahimo mopadayon kita sa unahan matod pa bitaw sa panultihon “Age doesn’t matter.”