Patay na ang mi execute sa SPA

Dear Atty. Divine,

Ang akong igsuon nag execute og Special Power of Attorney kon SPA in favor sa iyang anak  alang sa ilang house and lot nga ibaligya. Duna nay interesadong mopalit.

Apan ang akong igsuon namatay man last week. Ang akong pangutana kun pwede ba mapadayon ang pagbaligya  gamit ang SPA sa akong igsuon nga namatay.  Siya man gud ang nakapangan sa title.  Daghang salamat.

Violy

* * *

Dear Violy,

Ang general rule kun namatay na ang nag execute sa SPA mi-extinguish na usab or wa nay bili ang iyang gipirmahan nga SPA. Duna sab hinuon kini duha ka exception basi  sa Art. 1931 of the New Civil Code,  ang una kun  wa masayud ang gihatagan og authority  sa SPA nga namatay na diay ang nag execute niini, ug ang   ikaduha kun ang third person nga gika transact sa agent is in good faith or wa sad masayud nga namatay na ang mi execute.

Sa imo nga kaso, nasayud man gyud ang anak sa imong igsuon nga patay na ang nag execute  niini so di na gyud kini niya magamit. Apan mamahimo gihapon nga ibaligya ang property ug ang mopirma niini mao na ang mga heirs sa namatay og ang ilang pirmahan  mao na ang Extrajudicial Partition with Sale. Thanks and God bless.

Atty. Divine

* * *

Alang sa inyong pangutana, ipadala lang  sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.