Napakyas pagbayad sa abangan sa apartment

Dear Atty. Divine,

Duna koy gipaabangan nga mga apartment ug ang usa sa mga nag-abang niini wa na makabayad sa rentals sud sa upat ka buwan. Ako na kining gipadad-an og demand letter apan magsige lang og saad. Mi- expire na ang among contract last month busa gusto nako nga dili nalang i-renew ang iyang kontrata ug ako nalang ipa-vacate niya ang property. Kun pananglit di siya  mopahawa unsay angayan nako nga buhaton aron siya mo-vacate sa property? Daghang salamat. —Lourdes

Dear Lourdes,

Kun imo na siyang gipadad-an og demand letter  apan iyang gibalewala ang imong demand then mamahimo nga imo siyang pasakaan og reklamo sa barangay aron kamo magkaatubang. Kun di mo ma-areglo sa barangay ug dili gyud siya mopahawa ug dili sab siya mobayad sa iyang rental then mangayo ka og Certificate to File Action gikan sa barangay ug dayon mopasaka ka og kasong Unlawful Detainer ngadto sa Municipal Trial Court diin mahimutang ang imong apartment. Kun paboran sa korte ang imong kaso then ang korte na unya ang momando kaniya sa pagpahawa ug hayan makabayad pa gyud siya og damages tungod sa iyang gibuhat diha kanimo. Thanks and God bless. —Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.