Ang tinuod nga higala

Hulyo 13, 2025: Ikanapulog-Lima

nga Domingo Sulod sa Tuig

Mga Pagbasa: 1 Deut. 30;10-14/

Sal. 69/2 Col. 1;15-20/Lk. 10;25-37

Maayong Balita

Ang Jerico usa sa mga karaan na kaayong siyudad nga anaa pa gihapon hangtud karon. Ang dalan padulong didto maisip man nga hilan kaayo sanglit tua man didto nagtago ang mga tulisan. Kasagaran buhaton sa mga tulisan mao nga magpaaron nga sila gitulis. Kun mopaak ka sa paon ikaw man ang biktimahon.

Mao ni hinungdan nga ang pari ug levita nitipas sa laing dalan tungod sa maong kahimtang. Dugang pa, padulong sila sa Jerusalem alang sa usa ka liturhikanhong kalihukan. Ang paghikap sa dugo o sa minatay makapahimo man kanila nga mga ritually impure.

Laing rason nga naglikay sila sa tawo nga nagbuy-od. Sa laing bahin ang samaryanhon mitabang. Tingali ang maong samaryanhon daghan og kuyog kay wala man siya mahadlok nga motabang sa maong gibanhigan. Gidala kini niya ngdto sa abotanan ug gigastohan gyud hangtud nga mabatonan niini ang hingpit nga kaayohan.

Kasinatian

Usahay selective kita sa atong tabangan. Atong tabangan kadtong atong mga kaila ug mga suod nato. Hinuon dili kita kabasol sa uban ug sa atong kaugalingon sanglit dunay mga tawo nga mga malimbongon mao nga ang maong kasinatian nagtukmod kanato sa pagpanagana. Apan ang gipakita sa maong samaryanhon nagpaila ug nagtudlo nato nga ang paghimo og maayo wala magsapayan kun kaila ba nato sila o dili.

Lihok

Ayaw pamili sa imong himoan og maayo karong adlawa o semanaha. Ayaw pud pagpaabot og bawos sa imong kaayo.

Pangamuyo

Tanan: Ginoo himoa kaming matinabangon sa uban bisan pa man kun ila kaming tamayon gumikan sa among kahimtang. Amen