Mga benepisyo sa cabbage juice (3)

* Kanser — Nabaniog ang repolyong green ug pula nga nagbaton kini og hiyas isip usa ka anticancer. Ang pag-inom og cabbage juice nga dasok sa mga tinubdan sa kemikals sa tanom (pytochemicals), mopalig-on sa sistima sa imyun, nga motabang sa pagpakig-away batok sa mga balatian ug mga sakit hasta ang kanser, nga pitolon o kapugngan nga di mokatap sa lawas ang mga selyulang kanser ug tumors. Makatabang sab ang cabbage juice nga pagawson ang naghinubrang estrogen hormones ug makahilong hugaw o toksik .

* Implamasyon — Nasulayan sab ni nga epektibo panagang batok sa implamasyon, kay nagbaton kini og isog (potent) nga anti-inflammatory compound. Daku sab nig tabang sa sakit sa panit (skin inflammation) ug sa paghupay sa artraytis ug uban nga panakit sa lawas.

* Nanubra katambok (obese) — Ang grabe kabug-at sa lawas gumikan sa katambok nga ginganla’g obese, sintomas kini nga dunay kakulian sa sistema sa lawas nga wala na kaayo moepekto sa maayong panglawas ang trabaho niini. Ug ang daku’g maitabang nga ibalik sa normal ang himsog nga timbang sa lawas, mao ang pagkonsumo sa cabbage juice. Moabag kini  paghilis sa tambok nga nikupot sa lawas.

* Anemya — Ang naandan o nahibiling daan nga dugo, luya na ug kulang na  nga makahatag ug kusog nga ang lawas mohimsog. Ang dakung sulbad niini mao ang pagdugang nga makaprodyus og bag-ong selyula sa dugo. Dili na ta mangita’g lain, ang cabbage juice nga konsumohon makatambal na sa gi-anemya. Siguroha lang ang klase sa repolyo kadtong tapol o pula (red purple cabbage juice) aron mas dali makahatag sa gikinahanglan nga dugang bag-ong dugo.