Paus-os sa nagpundong tubig sa lawas (2)

Unsay  may buhatong remedyo ini, aron kamenusan ang napundong tubig sa laas nga nakamugna na hinuon og sakit?  Ania atong sundan;

* Mokonsumo og daghang magnesium – Importante kaayo kini nga mineral kay duna kini kapin sa 300 ka ‘enzymatic’ nga reaksyons nga makatabang sa daghang trabaho nga gikinahanglan sa sud sa lawas. Labaw sa tanan mopamenus kini sa tubig nga mahimong toksik kay dugay ng napundo sa lawas.

Sa usa ka pagtuon, ang 200mg nga magnesium sa kada adlaw, napamatud-an nga nakapaus-os  nagpundong tubig sa lawas sa usa ka babayeng adunay sintomas sa ‘premenstrual symptoms’ (PMS).

Ang magnesium makuha gikan sa mga mani (nuts), dark chocolate, wholegrains, ug dahonang mga utanon.

* Mokonsumo og daghang B6 -  Grupo kini sa mga bitamina nga importante sab kini sa dugo ug nakapadasig sa mga parte sa lawas pagtrabaho.

Sama sa magnesium, ang vitamin B6, nakita sab sa babayeng nag-PMS ang maayong resulta sa pagpakunhod sa ‘water retention’ sa lawas.

* Mokonsumo sab og daghang tinubdan sa potassium – Mga pagkaon nga nagbaton og dasok nga tinubdan sa potassium, usa ni ka importanteng mineral nga kinahanglan aron mohimsog.

Makatabang sa paghatud og signal sa kaugatan aron maayo ang pag-andar sa lawas sama sa pagbomba sa kasingkasing ug makapakgang kini sa ugtas.

Ubang kapuslanan sa potassium, makatabang sab kini sa pagpaus-os sa lebel sa sodium sa lawas, ug sa pagpadaghan sa ihi.

Sa laktud, epektibo kini nga idispatsar ang naghinubrang tubig sa lawas.