War on drugs nagustohan sa kinabag-an
Aniay makatandog talan-awon nga akong napupo gikan sa social media nga makamatuod nga daghan gayod ang nakagusto sa kanhi war on drugs panahon sa pagpamunoan ni Presidente Rodrigo Roa Duterte (PRRD) sa Pilipinas.
Diin, diha pa lang sa gawas haduol sa Kongreso, niadtong adlaw nga motambong siya sa extrajudicial killings (EJK) House hearing, makita ang mga gipangbitbit pahibalo: “YES, TO DUTERTE-TRUMP WAR ON DRUGS, sa mga nagkatapok bagang duot nga diehard Duterte supporters (DDS).
Gawas sa maong tapok, may mainstream media ug vloggers nga mipanigayog interview sa usa ka Luzviminda Esperon Mangampo, 67 anyos, taga Quezon City, kinsa ilang gipangutana kon unsay ikasulti bahin sa war on drugs ni PRRD nga nakahimog EJK? Ug ania iyang tubag:
“Oo, may war on drugs. Pero wala namang pinapatay. Hinuhuli lang. Anong tawag doon? Tok…Tokhang! Ang pinapatay, Tokbang! Ganito po yan. Ang ibang namamatay ay talaga pong lumalaban. May mga baril din po sila, eh! Kaya, alangan naman na magpahuli yong mga polis nang binabaril sila…? Magpapabaya pa rin ba sila? Siyempre, gaganti din ang kapolisan.”
Unya dihang gipaloapag sukna bahin niining pag-imbestigar ni PRRD sa Kongreso isip resource person, ang kadali ra niining mireak: “Hindi naman yon maganda… Dapat magpasalamat sila. Noong panahon ni Duterte wala pong nakakalat na drugs, walang nakakalat na magnanakaw, wala ring rape. Ngayon, anong nangyari? Ang bigas, senior citizen na rin ang presyo!”
Unya dihang gipangutana unsay iyang opinyon kon ikomparar ang kanhi war on drugs ni PRRD sa pamaagi karon ni Pres. Bongbong Marcos? Siya namahayag; “Maganda ang panahon ni Tatay Digong.
Dahil bawas na bawas po ang mga drugs…Tahimik ang lugar. Naglakad kami sa gabi na wala kaming iniintindi.” Ug human pangayoig panapos mensahe sa vlogger alang kang PRRD, usa ray iyang gipangayo. Nga unta makabalik kuno ang Duterte sa Malakanyang.
Kini nagmatuod lamang, nga bisan pag nagtinguhang pisakon si PRRD sa Kongreso gamit ang EJK issue, kini nagustohan-gidayeg gihapon sa kinabag-an.
Ug seguradong may dakong kalayo nga mosilaob kon mamugos si DOJ secretary Boying Remulla pagpangitag paagi nga maisyuhan og warrant of arrest kining tawo nga himalikas man tuod, pero gimahal kaayo sa katawhan.
- Latest
