Ang gigikanan
Sa dihang nisuroy ko og balik sa seminaryo, nakita nako ang dakong kalainan ini karon kaysa kaniadto. Kini tungod kay daghang mga kwarto ang nausab na gyud tawon ug daghan na pud ang mga tawo nga mosulod ug mogawas.
Sa dihang akong gisuroy ang akong kanhiay lawak anaa pa kini ug nahimo kining saksi sa akong yanong kinabuhi kaniadto.
Simple ra gyud ang kinabuhi namo ug gani walay angay nga kahadlokan sanglit kun unsay naa sa talad kan-anan angay man kining saulogon sa hilabihan. Dili sama karon nga tungod sa kadaghang kapilian nahimong komplikado kaayo ang matag desisyon.
Ang pagpadayag sa kalipay kun unsay anaa dako na kaayo og kahimoan aron mamahimong malipay kita ug makabalik lantaw kun diin kita gikan.
Kay ang pag-angkon sa atong gigikanan bisan pa man kun dili kini hingpit, makapadasig baya ug makapalipay bisan pa man kun ang talidhay sa kalipay pangitaon ra kaayo labina kun kuyog nimo ang mga nahisalaag.
- Latest
