Labing maayong prutas sa diabetic (3)

* Apples (mansanas) — Nagbaton og 10 gramos nga asukar kada 100gramos  sa mansanas, katumbas sa usa ka buok nga gagmay niining prutasa. Aduna sab ni duha ka gramos nga fibers, kalab-anan ini anaa sa panit.

Sama sa blueberries ug grapes, aduna gihapon kini kalabtanan sa pagmenus sa risgo sa diabetes, maingon man ang pagus-os sa risgo sa atake, diin kini maoy dakung hinungdan sa mga komplikasyon, kon pirme taas ang lebel sa ‘blood sugar’, ilabi na niadtong naghambin sa diabetes-2.

Usa ka pagtuon, diin na-monitor ang 75,000 ka tawo sud sa 10 ka tuig, nakaplagan nga ang kadtong nakakonsumo og daghan sa mansanas ug peras, nikunhod og 11% ang risgo sa atake, kaysa niadtong wala mokaon.

Ang dakong bentaha sa mansanas, kay makahimsog kini nga idugang sa diyeta, nga bisag way labot sa isyu sa ‘bloodsugar’, lamian gyud ni konsomuhon, nga maabot ra sa bulsa, nga maoy pakaping bonus niini.

* Watermelon (pakwan) — Kon imong tan-awon morag taas og asukar, apan nagbaton ra ni’g 6-gramos asukar kada 100 -gramos sa pakwan. Kay naglabi kini sa tubig nga menus sa kaloriya. Dasok kini nga tinubdan sa ‘lycophene’. Aduna sab ni katakos sa pagpalig-on sa ‘insulin sensitivity’ sa lawas, pagpaus-os sa ‘blood sugar’ ug pagmenus sa risgo nga magka-diabetes-2 .

Matngonan lang nga malimitahan ang pagkonsumo sa watermelon o pakwan, kay ganado ka ini matagbaw nga dali ra kaonon, basig madaghan ang asukar mo. Tungod kay ang watermelon, taas og ‘FODMAPs’, nga makaugtas o maka-stress, nga mopalyar ang trabaho sa sistima sa pagtunaw (digestions). Ilabi na kon kita wala sa kondisyon nga nagkalibanga (IBS) kay lagi wala kahilisi sa kinaon.