Remedyo sa kolesterol ug hayblad

Hangtud karon sa atong henerasyon, may mga hut-ong sa katawhan nga labihan nakatutok sa natural nga mugna sa kinaiyahan. Dili sab matawag nga ulahi sila sa kaugmaran, kay bisan asa sila sa panguma (farmland) nakatampo sab sila’g progresibo sa nasud nila pinaagi sa abunda nga abot, o ani sa ilang pananom.

Kon dunay usa ka grupo sa mga tawo nga nabaniog sa tibuok kalibutan nga estrikto ug maoy gipalabi ang pagtuo sa kinaraang estilo sa kinabuhi, kini mao ang pundok sa mga tawo sa Amish, ilabi na didto sa Amish country, sa Lancaster county, Pennsylvania Dutch country. Masinuktanon usab sila sa ilang pagtuo nga espirituwal, kay susama ra usab sila kanato nga mga Kristyano.

Ang maong pundok, dili mosagop sa modernong teknolohiya, ug sa modernong tambal, o parmasyutikal nga drugas. Ang mga Amish, nagpuyo sa balanse nga kinahuhi nga pabiling nagbaton og pagsalig sa mugna sa kinaiyahan. Duna sila’y mga natural nga pang-alibyo sa lainlaing problema sa panglawas. Gumikan nila, ang kalibutan nakamatikod sa usa ka partikular og epektibo kaayong pangremedyo nga gigamit sa mga tawong Amish, sa daghang dekada na.

Kining pambalay nga remedyo gikan sa Amish, makaayo sa daghang kakulian ug mga sakit, nga labaw sa tanan, mopalig-on kini sa sistema sa atong imyun.

Mas bentaha kini kaysa sa medikasyon. Uban sa abag niining simple nga resipe, makahimo kini sa pagpaus-os sa taas nga lebel sa kolesterol ug sa hayblad presyur kun hypertensions. Kagamitan lang sa atong pangluto ang mga ingrediyente niini. Sayon ug dili langan nga buhaton ug epektibo pa. (Sumpayan)