Ang magkapatid (149)
Patuloy na nakikinig ang magkapatid na sina Ipe at Ada kay Manang Caridad. Hindi nila inaasahan na mayroon palang masakit na nangyari kay Manang.
“Nagising ako na pinagsasamantalahan na ni Lauro. Takot na takot ako. Hindi ako makasigaw sapagkat binantaan ako. Huwag na raw akong tumanggi sapagkat pakakasalan naman niya ako. Tinanggap ko ang nangyari. Ipinagtapat ko kay Nesto ang lahat at tinangka niyang patayin si Lauro. Sabi ko kay Nesto huwag niyang idamay ang sarili sa nangyari sa akin. Nakipag-break ako sa kanya. Ayaw niya. Kahit daw may nangyari sa akin, pakakasalan pa rin niya ako. Tumanggi ako. Sabi ko huwag niyang parusahan ang sarili.
“Nabuntis ako ni Lauro. Hanggang sa pumayag na akong pakasal sa kanya. Kailangang magkaroon ng ama ang aking anak. Ayaw kong lumaki siyang bastardo.
“Nalaman ko na sumama si Nesto kay Philip nang lumayas ito sa bahay dahil nagrerebelde kay Enyora hanggang sa wala na akong balita sa kanya. Nagsarili na kami ni Lauro pero kay Enyora pa rin ako nagtatrabaho. Nang manganak ako – isang lalaki ang sanggol ay lumantad ang ugali ni Lauro. Lagi akong sinasaktan. Sabi ni Enyora, layasan ko si Lauro. Siya raw ang bahala.”
(Itutuloy)
- Latest
