Gua-Sha Therapy (1)

Usa ni ka tradisyonal nga alternatibo'ng medisina, nga gipraktis sa mga intsek sa dugay na'ng panahon. Sagad gigamit ni'ng pang-ayuda, isip komplemento sa pag-ayo, pinaagi sa 'accupuncture', kana'ng tuslokon sa dagom ang mga ugat nga depektuso. Hinuon, wa pa ni mauso kay nahadlok masakitan sa dagom, pero sa utok ra na, mas sakit pa pamation ang pinaakan sa hulmigas.

Kini'ng sa 'Gua-Sha', nindot ni'ng mata'ng sa masahe, kay dili man mabun-og ang kaugatan ini. Igo ra man kagusan o kandosan ang parte sa lawas nga nanakit. Dili sama ana'ng kasagaran, pisilon nga pakusog, pigsaton ang morag gagmay'ng mga lusay sa kaunoran,  aron pagwagtang sa panakit sa kalawasan.

Lahi ang teyoriya sa 'Gua-Sha', kay gituohan nga ang mga toksik o hugaw sa metabolismo (metabolic waste) nga mao ang 'lauric' ug uric acid' nangapriso nga wa kagawas, nahimo'ng 'crystaline' o nabagtok nga asin, nga nakabara sa agianan sa dugo (blood vessels), nga maoy hinungdan sa panakit sa kalawasan.

Gumikan ini'ng kahimtanga, motumaw ang mga sintomas, sama sa labad sa ulo, subaw, sip-on, ping-ot sa ilong, hilanat, sinus (synose). Ni'ng higayona ang puwersa sa kasundalohan sa  sistima sa imyun nato, nakigkombate nga masanta nga dili kita maantimano nga mataptan sa grabe'ng balatian o sakit.

Wa'y problema kun lig-on ka'g imyun, kay mawala ra man dayon kini'ng mga sintomas bisa'g way tambal, apan kun huyang ang 'immune system' mo mahasol ka gyud nga maimpektado o molamay ang sakit. Busa ang dinalian nga himuon mo ini, nga dili delikado, ug epektibo pa, mao nga magkat-on ka sa  'Gua-Sha'.

Mas maayo daghan mo'ng magpraktis sa pamilya, hamtong o maedaran, pwede magtuon, aron magpinuliha'y kinsa'y magpa-'gua-sha'. Unya makatabang pa kamo sa uban, niini nga talagsao'ng masahe nga wa pa kaayo mauso.