Nag-unang 10 ka pang-alibyo (3)

Sa miagi'ng 2ka lindog nato, maoy gipanghisgutan ang mga nag-una nga 10ka  labing gamitonon nga pang-alibyo sa kadaghan sa atong mga problema sa panglawas. Busa ipadayon nato ang uban sa nag-una'ng mga pang-alibyo.

8. Nutmeg — Sama sa 'cloves', ang nutmeg nagbaton gihapon og 'eugenol compound'. Nga ang 'myristicin' nga anaa sa nutmeg, susama ka epektibo sa tambal nga 'ecstacy'. Apan kun kini abusohan o pasubraan sa paggamit, makadaut sab ni sa panglawas. Nagbaton ni'g mga 'antioxidants' alang sa kahimsog sa kasingkasing, ug  pagsanta sa alzheimers disease, nga mopalig-on sa memorya, panghunahuna ug ayohon ang sistima sa maayo'ng pangutok.

9. Sage — Ilado kini nga herbal isip usa ka 'memory enhancer', nga epektibo nga mopaalibyo sa sakit nga 'alzheimers'. Aduna sab ni mga 'anti-cancers' o 'anti-inflammatory' nga 'plant's compound'. Ang 'sage-oil capsules' o 'sage concoction' (pinaitos nga paglaga) makapaalibyo o makapaabtik sa pangutok, nga mopaalerto permi sa isip ug epektibo sab nga pangpakalma sa kabalaka. Mopanormal usab ni sa bloodsugar sa naghambin sa sakit nga diabetes-2. Katumbas kini sa  sentetik nga 'metformin' nga sagad maoy ihatag nga tambal sa diabeteson. Natural kini nga moayuda nga makaprodyus o patrabahoon ang 'insulin' nga magamit ang inerhiya o kusog sa panglawas.

10. Turmeric — Klase ni sa luy-a nga ang kolor sa unod medyo may pagka-pulahon nga orange. Sa atoa ginganlan ni'g dulaw. Girekomendar kini sa mga indiano nga pampagana sa mga luyahon mokaon. Pangpatunaw sab ni sa kinaon. Potensyal sab ni sa pagsanta sa kanser o tumor, sa colon o sa melanoma nga alom. Mopalig-on sa memoriya o alibyo sa sakit nga alzheimers.  Ayuhon sab niini ang mga nadaut nga selyula sa DNA.