Ang Taguig ngayon!

Maraming patrabaho sa Taguig

Pinapaganda pa ang maraming panig;

Ang mga lansangan ginawang malinis

kanal at estero nagbabagong bihis!

Ito’y iniutos ng butihing Mayor

Lani Cayetano misis ng Senator;

ng katulad niya’y tagapagtanggol

ang lahat ng bagay ay nasa ayos!

Tahanan at pension ng mga sundalo

sabi’y isusunod na ayusin dito;

ang mga squatter na marami rito

ay ilalagay na sa ayos na pwesto!

Ibabawal na rin sa mga libingan

ang hindi marapat doon manirahan;

mga mararalita naghahanapbuhay

ilalagay sa ayos na pamilihan!

Sa ngayon Bonifacio Global City

ay asensado na at di nahuhuli;

sa ganda at ayos s’yudad na malaki

malalaking building maganda sa gabi!

Mga negosyante’t mayayamang tao

dito’y naglipana sa lahat ng dako;

mumurahing damit sapatos na bago

nasa Market Market saka mga kanto!

Kung pamilihang class narito ang SM

ang mga paninda ipagmamalaki rin;

ang mga kainang dito’y papasukin -

putaheng pangmadla masarap kainin!

Ang Taguig sa ngayon ay magandang pook

pulis, security ay handang maglingkod;

mga mamamayan pawang sumusunod

dayuhan at local may takot sa Diyos!