Weak political system

Giingon dinhi nga ang kahuyang sa atong sistema sa politika sa nasud, maoy nakapugong sa atong paglambo, hinungdan nga nagpabilin kita nga kabus ug alaot, in terms of development.

Immediately after an election, politika maoy nag-una sa atong mga pagpakabana, as if matapos ang kalibutan kun dili kita makapamahaw, makapaniudto ug makapanihapon og politika.  Usahay pakapinan pa’g snacks ug coffee break.

“We have focused so much on personalities, we have lost substance and are wasting too much time in personal attacks instead of debating on critical issues that would create much needed jobs and boost the country’s competitiveness in the  ASEAN economy,” nagkanayon si Dindo Manhit, presidente sa Stratbase ADRi think tank.

Ang politika, per se, di man dautan. Apan, gihatagan kini’g dautan nga mga implication ug kahulogan sa atong mga politiko. Pulos mga personal attacks, mga pagdaut sa isig-usa maoy mo-prevail, inay pagpalambo sa nasud mao unta’y kahatagan sa una’ng mga pagtagad.

Usik sa panahon. Ug kini, dugangan sa pangurakot. Ug  gumikan sa politika, ang uban nato nga mga leader nakapatuyang sa dautan nilang tinguha.

Sa usa ka forum nga gipasiugdahan sa ADRi, nag-abot ang mga tinugyanan sa academe, private sector ug sa civil society, ug maoy ilang nakita nga:

“The weak political system in the Philippines has been blocking the country’s full development.” Tinuod, sa ato nang giingon, we deal so much on personalities.

Gani, karon, siyam pa ka bulan to election day, personalan na ang mga issue. Motandog man usahay sa mga development concerns, apan, taphaw kaayo. Pagsubli lang sa mga saad sa unang mga election.

Sa iyang bahin, si Professor Danilo Reyes sa National College of Public Administration and Governance sa UP, nagkanayon: “The country needs to tackle the issue of globalization, which has transforming international arrangements and relationships in the world.

“With the ASEAN regional integration, the country needs to conduct and pursue more research in understanding the nature of international bureaucracies and Asean connectivity.”

So, atong makita nga globalization ang angayan lantawon sa atong mga leader, dili kay kutob lang kita dinhi sa atong mga tugkaran. Ang atong pagpili sa atong mga leader, ibase sa popularity ug sa kadaghan sa kuwarta, ug dili sa   qualification ug sa ilang kaligdong.

So, pahinumdom, ang globalization maoy issue karong eleksyona, dili personalities, dili popularity. Ug kinsa kanila ni Roxas, Binay, ug Poe ang maka-strengthen sa weak natong political system.