Mga pagkaong makapabatan-on (2)

Kasumpay kini sa miagi'ng lindog nato sa mga pagkao'ng makapabatan-on. Ania pa ang dugang klase nga angay  kaonon, aron dugay kapahimuslan ang kabatan-on, sama niini'ng mga mosunod;

*Apples — Mansanas ni nga nagbaton og 'flavanoid' nga 'quercetin' nga anaa sab ni sa red onions (sibuyas bombay) nga makatabang sa pagpugong o pagpakupos sa pagpanghubag sa  bisan unsa sa kalawasan. Mopamenus ni sa risgo sa mga allergy, atake sa kasingkasing, alzheimers, parkinsons, prostate ug lung cancer. Usa ni ka 'anti-inflammatory' ug panagang sa impeksyons.

*Olive oil — Mas maayo imnon ang 2ka kutsarita nga 'extra virgin olive oil'. Matud ni Grieger, sa pagtuon sa Journal Nature, mas epektibo pa's 'Advil', nga mopaus-os sa imflamasyons, tungod sa 'fatty acids' ug 'polyphenols' anaa niini.

*Brocolli — Utanon ning nagbaton og calcium, manganese, potassium, phosphorous, magnesium, iron, vit-A, C, K ug 'phyto-nutrients' nga 'sulforafane'. Usa sad ni ka  'anti-cancer', segun sa mga pagtuon sa John Hopkin's University.

*Oysters — Kinhason ning aduna'y maayong tinubdan sa zinc, iodine, iron, potassium ug selenium. Ang iyang unod, aduna sa'y katakos sa pagpataas sa lebel sa 'testosterones' nga makapabuhi sa pagseks. Moprotehir sad ni sa 'prostate cancer',

*Pomagranates — Ang 'juice' niini, mopahinay o mupogong sa pagtubo sa 'prostate cancer', sumala pa sa pagtuon sa UCLA.

*Black beans — Ang pagserbi sa 1-3 ounces niini kada adlaw, mopamenus sa 38% tsansang atakehon sa kasingkasing, matud sa Journal in Nutritions. Ang ubang maayo sad apan di sama sa 'black beans' nga mopakusog sa 'brainpower' aduna ni 'super anthocyanin antioxidant, alang sa maayong pangutok.