Naghanda kay Ruby

Mga Pilipino’y lubos na naghanda

naawa si Ruby at medyo humina;

Ang inaasahang malaking pinsala

ay hindi naganap – salamat Bathala!

Mga mamamaya’y pinalikas agad

evacuation centers napuno sa iglap;

Matanda at bata roon ay natambak

hingi ay pagkaing banayad ang patak!

Ang mass evacuation ay utos ni P-Noy

na tumpak nga lamang dahil sa panahon;

Sundalo at pulis kanyang pinatulong

upang magsilikas taong milyun-milyon!

Trabaho’y suspended, mga paaralan

nagsilbing sangtuaryo nitong sambayanan;

Matanda at bata roon ay siksikan

hintay ng evacuees ay bigas at ulam!

Lingkod-Kapamilya at mga Kapuso

ang unang tumulong huli ang gobyerno?

Kumilos na ngayon ang ating Pangulo

dahil natakot din sa lakas ng bagyo?

At bakit ngayon lang ating Presidente

ay nagmalasakit sa bagyong si Ruby?

Noong ideklarang malakas si Yolly

di siya kumilos, hindi nag-intindi?

Noong si Yolanda sinabing daraan

ang ating Pangulo’y tumahimik lamang;

Asikaso niya’y mga kasamahang

noon ay abala sa pagpayaman?

At ngayong si Ruby sinabing malakas

ang ating Pangulo’y nagpakitang-gilas;

kanyang iniutos maagang paglikas

kung kaya sa bansa’y maraming naligtas!