Mga tanom nga tambal (1)

1. AVOCADO (Sakit sa ngipon) –Kuhaa ang liso ug paghiwa og gamay nga piraso nga igo ipaslak sa apektadong ngipon. Himoa kini makaduha ka beses sa usa ka adlaw. Mahimo sad lagaon ang liso nga pabukalan sud sa 20 mins., unya pabugnawa ilimugmog kini kun  magsakitsakit ang ngipon.

2. AGBATE (Hubag) – Pagdukdok og dahon niini ug itapal o ihaklap dayon sa hubag. Himoa kini duha (2) ka beses kada adlaw hangtud mamaayo.

3. ALUSIMAN (Sunog sa adlaw) – Pulpoga ang dahon ug kuhaa ang duga  ipahid sa apektadong parte sa lawas, kada human og kaligo.

4.PALEYA (Almoranas) –Hugasi’g maayo ang gamut ini ug tagodtagora’g pino ug pagtadtad pud og usa (1) ka bunga, pug-i unya sagola nga butangan og diyutay nga lana sa lubi. Kini ang ipahid sa nagbudlot nga almoranas. (Ulcer) – Pabukala o lagaa ang usa (1) ka bunga sa paleya ug imna kini makatulo ka beses sa usa kaadlaw. (Kalibang)-Imna ang duga sa gipugang bunga sa paleya, mga tunga (1/2) sa baso kada ikaduha ka adlaw.

5. ATIS (Nahilo o Nakuyapan) – Kumosaha ang preskong dahon hangtud mabasa kini sa duga ug ipasimhot kini hangtud maulian. (Pinahitan sa lamok) – dokdoka o pugaa ang usa ka hilaw nga bunga sa atis. Ang duga ibutang sa parte sa lawas nga may mga pinahitan sa lamok.

6. ASYUTE (Sakit sa ulo) – Paghawob o painiti sa kalayo ang dahon niini ug bas-a sa lana sa lubi. Unya ihaklap sa agtang ug bugkusi aron di matagak. (Hayblad) – panitan ug hiwahiwaa ang bunga, ayaw hugasi ighuman og panit. Ihumol sa usa ka litrong tubig nga inadlaw. Buhata kini sa gabii aron inig kaugma hutdon ni’g inom tibuok adlaw kada sa di pa mukaon.