Mga tam-is sa diabetes

Ang sakit nga diabetes, ato kini mapanunod dili sa pagka-kaliwat kun di sa kinaiya kini sa atong stilo sa pagkaon. Gitumbok kini sa mga eksperto, tungod sa naghinubra nga ‘carbohydrates’ diha sa atong pagkaon. Inig sulod sa lawas mahimo kining asukar, aron himuon nga inerhiya pero i-agi una ni sa pancreas aron himuong insulin. Usahay kulang nga makaprodyus og insulin ang pancreas.

Tungod niini mosaka ang lebel sa atong ‘blood sugar’ nga di magamit nga enerhiya. Magluya kita nga way kusog hangtud mogamay o modaut, kay naapektahan usab niini ang mga sistima sa panglawas. Matud sa mga eksperto, ampingan gyud nga ginagmay lang ang kaonon nga carbohydrates. Unya di sad magpalabi nga hinam-is o moinom og softdrinks, kay makadiabetes usab kini.

Likaye kanang tam-is nga refined sugar o magic sugar o mga synthetic sugar. Kaon la’g prutas nga tam-ison apan limitado. Kun di gyud kalikayan, maoy gamita ang natural nga katam-is gikan sa tanom nga Stevia. Way kaloriya, di ni makatandog sa pagsaka sa blood sugar. Kinamenusan kini sa Glycemic Index. Kinaubsan sad ni og caloriya ug carbo.Usa ka sachet ini katumbas 2 tbsp. asukar.

Naa say laing tam-is nga maayo sad gamiton kon way Stevia….ang dugos sa bulak(nectar)sa Agave nga tanom. Ang iyang katam-is sama sa dugos sa putyokan.Kining duha maoy mga natural ug healthy sugar para sa diabetes.

Hinuon kon wa kini sa inyong dapit, naa pay laing remedy arang-arang ni basta dili lang magpalabi sama sa maskuvado (kinugay o kamay), coco sugar, ug dugos putyokan (honey). Ang Agave Nectar ug Stevia sagad mapalit kini sa mga health stores.Puwede mo mananom ini sa inyong tugkaran.