Petilla nanghulga
![](https://qa.philstar.com/images/authors/1337067.jpg)
Girekomendar ni Department of Energy (DOE) Secretary Jericho Petilla ang paghatag og emergency powers kang Presidente Noynoy Aquino aron mahatagan og kasulbaran ang nakaung-ong nga krisis sa kuryente sa tuig 2015.
Apan ang iyang rekomendasyon nakasugat og mga pagsupak hinungdan nga matud ni Petilla nga mag-antos kita’ng katawhan sa brown out.
Unsay pagsabot ninyo sa pamahayag ni Petilla, hulga o blackmail? Unsay buot niyang ipasabot? Masulbad ang krisis sa kuryente kun hatagan og emergency powers ang presidente?
Kay ngano, generator diay ning atong presidente? Buot ba nga ipasabot ni Secretary Petilla nga wala na unyay krisis sa kuryente kun hatagan ang president og emergency power?
Sa panahon ni kanhi presidente Fidel V. Ramos gihatagan siya og emergency power sa kongreso tungod sa krisis sa kuryente pero ang nahitabo nagpadayon gihapon ang krisis sa kuryente ug napun-an pa ang suliran sa katawhan kay mimahal na hinuon ang bayranan sa kuryente.
Ang angayan nga himuon ni Petilla mao ang paghimo og mga pagtuon sa dili pa mohatag ning maong matang sa rekomendasyon aron dili masugamak ang katawhan.
* * *
Mamalit og vests ingon man mga gloves ang kagamhanan sa dakbayan sa Sugbo alang sa mga traffic enforcers.
Seguro sa hunahuna sa mga nagpasiugda niini dili na madasmagan ug mabiktima sa hit and run ang mga traffic enforcers kun magsul-ob na sila og vest ug gloves. Pagkatoytoy!
- Latest