Kahandaan ng AFP
Masusubukan na naman natin ang kahandaan ng AFP ngayong nag-uumpisa na ang malakas at walang tigil na pag-ulan sa iba’t ibang dako ng bansa. Kahit noon pa man, ang panahon ng bagyo at ano mang kalamidad talagang makikita natin at nadarama ang pag-ayuda ng ating mga kasundaluhan sa mga ganitong mga kalamidad.
Subok na sila sa ganitong mga karanasan. Walang humpay ang kanilang pagtulong sa sino mang nasa panganib at bihasa sa mga relief and rescue operations. Sama-sama ang ating Philippine Air Force, Philippine Army, Philippine Navy at ang ating mga kapulisan sa lahat ng dako ng ating bansa sa mga gawaing inaatang sa kanila sa pagtulong sa ating mga mamamayan.
Saludo po ako sa inyo. At maraming-maraming salamat dahil hindi lamang kayo nakatuon sa paglutas ng kaguluhan sa ating lipunan ay nakatuon din kayo sa pagtulong at pag-ayuda sa ating mga mamamayan.
— HELOUIS A. VITUG, Lucena, Quezon
- Latest
