EDITORIAL - Ang mga kaso ni Senador Juan Ponce Enrile

Kining  desisyon  sa Department of Justice (DOJ) nga imbistigahon  ang  mga  sekretong  kaso  ni  Senador Enrile usa  ka  matang  sa transparency, busa  maayo.

Kun  tinuod  kini, aw mas  maayong  maimbistiga  aron  kun gikinahanglang  silotan,  di tungod  kay  siya  senador, apan  sa ngalan  nga  nakasala  siya,  mag-agad  siya sa isilot  kaniya  sa balaod.

Gawas  sa ubang  pasangil,  ang smuggling  ug  illegal  logging  maoy  nabaniog  pag-ayo  sa  mga  gipamulong  ni  Senador  Miriam Santiago.

Kanatong wa  kaayo  masuhito  kang  Enrile,  tinuod  nga  wala  kita’y  kalibotan  unsay  iyang  pamatigayon  niadtong  dako  siya  ug  gamhanan  kaayong  opisyal  sa nasud  sa   panahon  pa  ni  anhing  presidente  Marcos.

Di  usab  kita  makatuo  nga  akusahan  siya og  bakak  ni  Senador  Miriam,  kay  nasayud  na  kita unsa  ka  suhito  sa balaod  sa maong  sernadora.

 Mao  man  gani  nga  pagsugo  niya kang  Kalihim Leila  Delima  sa DOJ  nga  ipaimbistigar  si Enrile  tungod  sa illegal  nga  pamatigayon  niini  kaniadto, murag  di kita  makatuo  nga wa  kulbai  si  Enrile.

Hinuon  kun  mapriso  siya, aw pila  naman  lang  ka  tuig  ang  iyang  puy-an  sa bilanggoan  niining  iyang  pangidaron  karon.

Unya  gawas  niana may kaso  pa  siya  sa P10 billion pork  barrel  scam,  nga padayong  imbistigahon  sa  DOJ  ug  unsa  kaha  ka gamhanan  si  Enrile  sa iyang  katungdanan.