Mr. Barangay

BRGY BUHISAN, CEBU CITY

“Sir Jun grabe na kaayo diri ang sugal diri labi na ang madjong kay gikan sa buntag hangtod gabii gyod ni, wala man gyud aksyoni sa barangay ug kapolisan sa station 10.”

BRGY BUHISAN, CEBU CITY

“Salamat kaayo sir Jun kay nasemento na gyod tawon ang dugay na namong naproblemahan diri nga karsada makaagi na gyod tawon mi tarong ani kay sulod sa taas nga panahon man sad mi gaantos ani.”

BRGY BULACAO, CEBU CITY

“Sir Jun kini bang waiting shed sa Bulacao nga duol sa Saint Paul College kay gihimo na man hinoon nga kan-anan o karenderya kinsa may nagtugot  ani nila nga para man ni publiko dili lang sa usa ka tawo.”

BRGY TIPOLO, MANDAUE CITY

“Sa Maharlika dapit Sir kay ang mga tindahan hapit na masulod sa karsada wala nay kaagian sa tawo dugay na tawun ni nga problema pero wala gyod masulbad.”

BRGY STA CRUZ, SAN FRANCISCO (Camotes), CEBU

“Grabe  na gyod kahitak sa shabu diri Sir labi na sa sitio Lawis dugay na kaayo ni pero wala man gyud kasulbad ang mayor ug mga opisyal sa barangay bahin ani nga problema.”

BRGY BASAK-SAN NICOLAS, CEBU CITY

“Diri sa Bontores padung sa Kalubihan wala gyod masulbad ang problema namo sa karsada mura na gud matagak among IUD inig agi namo sakay sa  traysikad tungod sa grabing mga libaong.”

BRGY MANO, SAN REMEGIO, CEBU

“Naunsa na man ni ang sitio Mohon nga ang aser sa masiao kay asawa ug igsoon man sa barangay tanod pero kapitan wala man makabadlong ani nga unta kabalo ug nakaila siya kinsa ning mga tawhana .”

BRGY TALAMBAN, CEBU CITY

“Ipasusi palihog ning mga computeran diri sa kadahoan Sir kun duna ba ni mga permit kay daghan na man mga bata ang nabuang ani uy halos dili na man moeskwela kay tua lang permi aning computeran.”

BRGY QUIOT, CEBU CITY

“Manawagan mi sa kapitan diri sa amo barangay nga ipasusi nang truck sa basura kay nakabantay ko kausa Sir nga gihabwaan nig gasolina unya gibutang sa container basin kun dunay hocus focus ana Sir.”

BRGY PUSOK, LAPULAPU CITY

“Tabangi mi aning lugar namo sa seaside kay daghana na man gyod sa illegal nga drugas sama sa shabu wala man molihok ang mga polis bahin ani nga problema way aksyon.”

BRGY TANGKE, TALISAY CITY

“Diri sa among lugar Sir daghan man gihapon ang mga video karerra machine diri wala man ni dakopa nga klaro man kaayo ning illegal, naa may mga polis usahay nga mag-arian syaro wala sila kakita ani.”

BRGY CAYANG, BOGO CITY

“Sitio Buac dapit Sir kay naay nag-abang diri nga kadudahan kaayo ang lihok mangayo daw ni siya’g motor kay daghan man kaayo pirmi moanha sa iyang giabangan kay magsuyop, amo na ni gireklamo sa kapitan pero wala may aksyon.”

Alang sa inyong mga reklamo text lang sa 09071678643