Brgy Tabunok, Talisay City

“Si Jun kining kanal sa karaang merkado kay niawas na pagkahugaw kaayo labi na sa may karnehan dapit unya way tabon ang kanal kuyaw kaayo mabuwasot ang mamalitay, hinaut nga matagad dayon ni sa mga natungdan nga mga opisyal.”

BRGY CADUAWAN, TABOGON, CEBU

“Tabangi tawon mi nga masulbad ning problema namo sa naghitak nga shabu diri sa among lugar daghan na kaayo ang namaligya. Way aksyon nga gihimo ang kapolisan diri hasta opisyales sa barangay.”

BRGY PAJO, LAPULAPU CITY

“Diri sa Seaside dapit kay bisag gamay nga uwan mobaha man dayon wala man gyod ni hatagi’g aksyon sa mga opisyal namo sa barangay daghan na kaayong tawo na purhisyo.”

 BRGY LAHUG, CEBU CITY

“Diri sa Sudlon duol sa amo gipuy-an kusog  kaayo ang swertres wa gyud ni sila mapakgang bisag mga bata gud sugoon sa pagpapatad sa mga ginikanan, asa na man tawon among mga opisyal sa barangay.”

BRGY SUBANGDAKU, MANDAUE CITY

“Sa sitio Lower Malibo dapit aning housing kusog kaayo ang sugal sama sa tong-its ug madjong hasta sab problema sa illegal nga drugas kusog sad diri labi na kun adlaw nga Biyernes ug Sabado, hinaut nga mahatagan kini’g aksyon.”

BRGY POBLACION, BALAMBAN, CEBU

“Naunsa na man ning mga traffic enforcer diri sir Jun nga naa ra man sa daplin magbarog bisa’g matrapik na dugay kaayo moaksyon kay magpundok ra gyod sila unya magtabi, wa pa gyu’y mga batasan nang uban nila diha.”

BRGY INAYAWAN, CEBU CITY

“Naunsa na man ning c.r diri sa merkado kay baho na man kaayo sige lang kapuno ang tangke luoy kaayo ang mga tindera hasta ang mamalitay kay maoy mag agwanta pagsingo sa baho.”

 BRGY AGUS, LAPULAPU CITY

 â€œAng karsada padung linya sa Soong kay ilang giguba unya gibiyaan lang sa nagtrabaho, ang apektado kaayo ang trapik kay wa may tawo nga magbantay sa isig ka tumoy para matabangan unta ang mga motorista nga dili matanggong.”

 BRGY DAS (Lutopan), TOLEDO CITY

“Naay suyopanan sa shabu diri nga duha ka lugar nga duol ra kaayo sa police station nga atbang  sab kaayo sa may Carmen copper, ambot nganong wala gyod kalihok ang mga polis bahin ani nga problema.”

BRGY KAWIT, MEDELLIN, CEBU

Sir Jun naghitak ba sad ang shabu diri daghan na kaayo mga bag-o nakakat-on labi na sa mga bag-ong tubo, hinaut unta nga masumpo dayon kini arun dili pa madaghan ang mabiktima.”

BRGY TINDOG, MEDELLIN, CEBU

“Nalipay na unta mi nga nahunong na ang pagpanghakot og balas sa baybayon pero human madakpi ang naghakot nga truck mga duha ka semana mibalik na man sad ang pagpanguha pero bote na ang gigamit "

 Alang sa inyong reklamo text lang sa 09071678643 Sent from my iPhone