Kuwarto o Kuwatro?

BINABANTAYAN ngayon ng BITAG ang mga unibersidad at kolehiyo partikular ang mga personalidad sa loob ng paaralan!

Siguradong maglalabasan na naman ang mga “predator” sa paaralan sa papatapos ng midterms examination week ngayong semestre!

Sila ang mga propesor, instruktor at mga dean na nananamantala sa desperasyon ng mga mag-aaral gamit ang kanilang titulo at kapangyarihan.

Dalawang opsyon lang, kuwatro o kuwarto!

Matagal na ang ganitong kalakaran sa mga unibersidad at kolehiyo. Matagal na itong nabisto pero marami pa ring mga propesor, instruktor at dekano ang “nag-aalok” sa mga desperadong mag-aaral.

Marami pang mga kaso ang hindi naibubunyag. Marami pang mga personalidad sa paaralan ang nag-aalok ng “kuwarto o kuwatro” kapalit ang sarili nilang satispaksyon!

All points bulletin ng BITAG sa mga estudyante, ireport sa amin ang ganitong mga reklamo. Itatago at poprotektahan ng BITAG ang pagkakakilanlan ng biktima upang matuldukan na ang aktibidades ng mga bantay-salakay sa paaralan!

Para sa inyong sumbong, mag-log on sa BITAG Channel sa www.bitagtheoriginal.com at i-click ang Report Online!