Jeepney ban

Kun ipatuman na ang giingong LTFRB modernization program diin ipa-ban kun did-an na sa pagdagan ang mga PUJ jeepney nga nagpangidaron na og 15 anyos, mga 54 porsiyento kun 573,237 sa mga PUJ sa Sugbo ang maapektahan.

Sa ato pa libuan ka mga jeepney ang mangawa sa karsada o kadanan nato dinhi sa Sugbo. Di lang ta mohisgot sa epekto niini sa kinabuhi sa mga Sugbuanon nga nagsalig sa maong matang sa transportasyon.

* * *

Mohisgot lang ta sa gipanglantawan sa pipila sa atong mga kaigsuonan nga lungsuranon kun mahitabo man gayud ang giplanohang ban.

Matud sa uban, modaghan ang magbisikleta sa kadanan, bisan sa mayor nga mga karsada sama sa Osmeña Blvd., Jones Ave., Natalio Bacalso Ave., P. del Rosario St., etc.

* * *

Mapun-an sad kuno ang gidaghanon sa mga magmotorsiklo. Ug molambo kuno ang bicycle business og bicycle rapair shops.

Duna say misuway og tagna nga basin kuno mobalik ang mga tartanilla sa mga mayor tang kadanan diin gi-ban kini sa dugay nang panahon.

Naa sad tay nadunggan nga nag-ingon nga hayan malipay ang mga tighimo og sapatos ug mga “ayo sapatos” boys.

Kining tanan mga pagpanglantaw lang sa pipila natong kaigsuonan gumikan sa giplanohan nga i-itsa puwersa na ang mga karaang PUJ.

* * *

TRIVIA. Ato ning gidalidali og suwat kay nagpahibawo ang VECO nga mo-brownout sa atong gipuy-an gikan alas 9 AM ngadto alas 4 pm. Pito ka oras. Greetings sa atong mga higala diha sa Calderon St. ug sa may Freedom Park. Daghang salamat sa inyong suporta sa Banat News.