Taguig mayor

Ngayo’y itatampok sa aking pagtula

Ang mayor ng Taguig na isang diwata;

Palibhasa’y okey ang pamamahala

Sa pangatlong term – hawak ang bandila!

Lani Cayetano ang butihing mayor

Ang kanyang asawa ay isang senador;

Magkatuwang sila sa dakilang misyong

Ang bansa at Taguig lalo pang yumabong!

Narito sa Taguig: Bonifacio Global City

Building matataas at pagkalalaki;

Ang Market at SM ay kapwa narine –

Sa dukha’t mayama’y pasyalang mabuti!

At saka narito ang maraming kampo

Kampo ng heneral at mga sundalo;

Bayaning namatay – may libingan dito

At may libingan din mga common tao!

Dahil sa malawak ang lunsod ng Taguig

Ang magpasyal-pasyal di ko naiisip;

Baka kung lumayo sa tahanang langit

Sa laki ng s’yudad di na makabalik!

Nalipatang bahay ay sakop ng lunsod

Ang umalis dito’y hindi pa matalos;

At bakit aalis sa bayang malusog

Ang kasama rito’y mayama’t busabos!

Di pa nagtatagal nang kami’y lumipat

Sa Acacia Estate ng lunsod na sikat!

Municipal building di pa naaakyat –

Sa office ng mayor baka ako’y hamak!