Losing the battle but winning the war

NAKARAOS na naman ang isang eleksyon sa kasaysayan ng bansa. Marami sa mga nahalal na senador ay yaong mga personal na inendorso ni Presidente Aquino o yung mga bahagi ng Team P-Noy at yung iba’y mula sa United Nationalist Alliance (UNA).

Yaong mga tinatawag na “alternative candidates”  na may adbokasyang ipinaglalaban ay laglag lahat. Kasama diyan si Bro. Eddie Villanueva na nagpaabot na ng pasasalamat sa mga sumuporta at nagtiwala sa kanya. Naririyan din si Greco Belgica na kagaya ni Bro. Eddie ay isa ring Christian Pastor at dating konsehal na ang aspirasyon ay magkaroon ng pamahalaang may takot sa Diyos. Banggitin na rin natin ang kandidato ng Kapatiran na si JC delos Reyes at iba pang mula sa grupong relihiyoso na ang adbokasya ay ang pagkakaroon ng righteous governance.

Naniniwala ako sa adbokasyang itinataguyod nila. But sometimes we need to lose a few battles to win the bigger war. These people may have lost the race but as the Word of God says: “All things work together for good to them who love the Lord and who are called according to His purpose.” (Romans 8:28.)

Kaya ang lahat ng pagod at pagpapagal ng mga kandidatong tulad nila ay hindi nawalan ng halaga. Naipakita nilang lahat ang paninindigan sa pagtataguyod ng tunay na matuwid na gobyernong may takot sa Diyos at sinserong hangaring maglingkod sa bayan.

Naniniwala ako na kung sa hinaharap ay may ibang titindig sa maka-diyos na agenda at kakandidato, sino man siya basta’t alam nating may sinseridad at kakayahan ay dapat nating suportahan. We who believe in the agenda of righteousness must continue to rally behind them. Hindi man manalo ay nakapanindigan tayo sa pinaniniwalaan nating tama.

Samantala, let us give our all-out support to all the winners of this midterm elections and pray that God will be upon them as they discharge their functions entrusted to them by the people.