Pagpamalandong alang sa Malangkubong Kaayohan

Mga Praktikal nga Sugyot alang sa Artsidiyosesis sa Sugbo

Ania ang pipila ka mga mahinungdanong rekomendasyon

1.Pagmugna sa Archdiocese of Cebu Office of Exorcism and Deliverance  Team nga pagalangkoban ning mosunod:

a. Chief Exorcist

b. Assistant Exorcists

c. Delegated Deliverance Ministers

d. Psychologists/Psychiatrists

e. Lawyers

f. Support Groups/Prayer Warriors. Mas maayo kun sakop sa Charismatic Communities.

Tumong niini ang paghashas sa mga kaso nga isang-at ug paghimo sa ilang opisina ingon nga duolanan sa mga problema nga dunay kalambigitan sa Diabolical Attacks. Kini aron malikayan ang kagubot ug kawalay kapaingnan sa mga tawo. Mas maayo nga dunay opisina ug mga tawo nga ilang kaduolan.

2. Katekesis ngadto sa mga nagkadaiyang mga tulunghaan aron pagtudlo sa mga kabataan ug kabatan-on mahitungod sa Spiritual Warfare.

3. One-one Evangelization ug pagpahari sa Balaang Kasingkasing ni Jesus ug sa Putli nga Kasingkasing ni Maria sa matag panimalay.

4. Pagpadala og mga kaparian ngadto sa Regina Apostulorum sa Roma alang sa dugang pagtuon mahitungod sa kurso sa Exorcism and Deliverance.

5. Pagdasig sa tanang parokya nga ampoon ang Pag-Ampo ngadto kang San Miguel Arkanghel matag dayong human sa Misa.

Panapus

Dili man tuod komprehensibo ang atong pagpadayag sa mga mahinungdanong konsepto ning atong basahon, apan manghinaut lamang ako nga pinaagi niini, magiyahan ang matag usa kanato diha sa atong tagsa-tagsa ka panlimbasog diha sa espirituhanong pakig-asdang sa gahom sa dautan. Apan dili kita angay’ng mabalaka kay anaa ang Dios nga niangkon kanato ug sa kanunay manalipod kanato gikan sa gahom sa dautan.