Si Biazon nangaso este nagkaso pala

SINAMPAL este mali sinampahan pala ni Bureau of Customs Commissioner Ruffy Biazon sa Department Of Justice ang dalawang importer at broker matapos ang sinasabing tangkang pagpuslit ng mga peke at smuggled  na mga tela na may P315 million worth.

Bida ng mga asset ng mga kuwago ng ORA MISMO, ang mga sinukahan este kinasuhan pala ay kinilala ni Biazon na sina Ronaldo Cruz, may-ari ng Trio Trading Company at broker na si Merrian Misula.

Buti nga!

Sina Cruz at Misula ay sinampahan  ng kasong anti-smuggling  at  violation of section 3601 in relation to section 101 and 2530 of the Tariff and Customs Code of the Philippines my Philippines.

Base on record, naharang sa Port of Manila  ng mga alipores ni Biazon ang isang forty-footer container van, na may mga laman na mga pekeng tela ng Mickey Mouse, Chanel at Louis Vuitton galing ito sa China.

Ang nasabing mga illegal na kargamento ay naka-consigned  sa Trio Trading Company, owned by Cruz.

Sabi ng mga asset ng mga kuwago ng ORA MISMO, ayaw ipasok sa utak ng mga gumagawa ng illegal ang mensahe ni Biazon na hindi sila tatantanan dahil aktibo tinitiktikan ng kanyang mga ahente ang bawat galaw ng mga tinaguriang ‘puslit group’ sa mga puerto kaya mahihirapan silang makalusot.

‘Baka naman binarya lamang ang mga kamote kaya pinahuli ang shipments?’ sabi ng kuwagong nabukulan.

‘O baka nagtipid kaya nayari ?’ sagot ng kuwagong SPO - 10 sa Crame.

Sabi ng mga asset ng mga kuwago ng ORA MISMO, mahirap ngayon makipag-sampalan este sapalaran pala  sa aduana dahil mabangis pa sa mga buweltre nag-aabang ang mga ‘trusted’ agents ni Ruffy.

Abangan.

* * * * *

Biazon tiktikan mo ito

MAY isang containerized van na sinasabing naglalaman ng mga chop-chop kunong ‘mini cooper’ vehicles ang nahuli kamakailan pero ito ay ginagawan ng paraan para mailabas sa pier.

Ayon sa mga asset ng mga kuwago ng ORA MISMO, dapat hindi pakaang-kaang dito si Biazon dahil baka siya mabukulan kapag nagkataon.

Sabi ng mga asset ng mga kuwago ng ORA MISMO, 16 pirasong mini-cooper cars ang laman ng container pero ito anila ay chop-chop o pinaghiwa-hiwa este mali hiwa-hiwalay pala para hindi mabuking na buo ito.

Ayon sa mga asset ng mga kuwago ng ORA MISMO, nilalakad ang sasakyan para mailabas sa pier kaya naman pinagpapawisan daw ang mga kausap dahil masyadong nakadikit ang mga bataan ni Biazon sa kanila.

Sabi nga, mapikit lang sibat agad ito. Hehehe!

Nagtataka ang mga asset ng mga kuwago ng ORA MISMO, kung bakit hindi nakasuhan ang consignee at broker ng nasabing epektos sa korte?

Abangan.