Pagpamalandong alang sa Malangkubong Kaayohan
“Ma,” matud pa sa bata pakan-ako’g mansanas.
Ayaw sa dong kay para na sa bag-ong tuig tubag sa inahan. Kay ngano man? Pangutana sa bata. Arun swertehon kay ang apple lingin man. Mao ba? Ngano pobre man lagi ta gihapun? Pangutana sa bata.
Sa matag saulog sa bag-ong tuig tanang lingin nga butang usa na niini ang mga prutas maoy gihimong sukaran sa mahimong estado sa kinabuhi. Kay matud pa luag ka sa imohang panalapi. Dili man dautan kung mao kini ang pagtuo apan kung imong pamalandongan ang maong huna-huna walay kapuslanan kung ikaw dili mosibot sa imong pagpanginabuhi. Ang kakugi, determinasyon uban sa grasya ug panalangin maoy angay buhaton arun sa ingon magmalampuson ka." Pagpunay katulog og mapobre ka, pagkugi kay makabaton kag daghang pagkaon."
- Latest
