Ang Pamalandong sa Tawhanong Kahimtang

Pangalagad

Ang Epektibong Pamaagi ni Obispo Teofilo Camomot 

TUMONG: Imantala ang mga mahinungdanong kamatuoran sa kinabuhing Pastoral  ni Obispo Teofilo Bastida Camomot

Ning maong pakigkukabildo nakita ni Obispo Teofilo ang dakong panginahanglan sa iyang katawhan. Iya silang gitubag sa ilang panginahanglang materyal ug espiritwal. Si Lourdes Villahermosa ang nihatag ning maong komentaryo: “Mapaubsanon kaayo siya ug nagpuyo sa usa ka kinabuhi nga makugihon ug maalagaron sa tanang katawhan. Nahimo niyang unang prayoridad ang mga panginahanglan sa uban ma-espiritwal man o pisikal nga panginahanglan. Gisakripisyo niya ang iyang kaugalingon aron mabuhi ang uban...”

Bisan pa man taliwala sa pagpangilad ug kadautan sa tawo si Obispo Teofilo ang padayon gihapong mitabang sanglit nakita man niya ang kaayo lamang sa tawo ug dili ang kadautan. Matang sa kaayo nga nagasukad sa kaluoy ug paghigugma. Usa niana ka higayon nagkuyog siya ug ang iyang pag-umangkon nga si Padre Oscar Camomot. Dunay bakol nga nagpakilimos. Ang maong bakol gihatagan sa Obispo og Biyente Pesos. Si Padre Oscar nagkanayon: “Dako ra kaayo na Tiyo!” Ang Obispo mitubag: “Gusto ka nga ikaw ang mabakol kay hatagan tika og biyente pesos!” Bisan kapila siya ilara o binuangi apan padayon gihapon siyang mipakita sa maong kaayo kanila nga nagbinuang kaniya. Kini tungod kay kabahin kini sa iyang kinabuhi nga mohimo og maayo. Sa laktod, maayo gyud siya nga tawo. Dili siya makahatag og kaayo kun wala kini niya mahupti. “Nemo dat quod non habet matud pa sa linatin nga panultihon.