OKTUBRE 7, 2012: Ika-kawhaag-Pito nga Domingo sulod sa tuig
Mga Pagbasa: Gn. 12;18-24/Sal. 128/Hb. 2;9-11/Mk. 10;2-16
Hinangat na gani ang kaminyoon sa usa ka tawo, busy na siya kaayo. Apan kun atong tan-awon, kasagaran mga butang external lamang ang ilang gigugolan og taas nga panahon apan wala kini magpasabot nga nahimong busy pud sila sa pagpangandam mismo sa ilang kaugalingong disposisyon. Mao nga ang resulta, panag-away nga mobunga og panagbulag. File dayon og annulment kay lagi las-ay na ang kaminyoon.
Gitudlo sa Ginoo nga dili gyud maayo nga bulagon sa tawo ang gihiusa sa Dios. Mao nga haom gyud unta nga sa dili pa nimo hunahunaon ang mga galastohan, ang mga sul-obon sa kasal, hunahunaa kun andam ka na ba niini...ug alang sa mga minyo na, himoang mapatunhay ang relasyon pinaagi sa paghunahuna ug pagbati nga ang presensiya sa matag usa, mahinungdanon gyud alang sa usa’g-usa.