Sa atong pagpangaons

Yano ra kaayo ang talad diin kita nagsalo. Atong sud-an paliyang giitlogan, lumpia ug piniritong isda. Hinuon, dunay mangga, yakult ug tubig. Giipisan ko ang imong baso una dayon ang akoa. Naglabi ang atong kukabildo kaysa sa atong pagpangaon. Apan seguro ko kita malipayon dili tungod sa pagkaon kondili tungod sa higayon.”

Paspas ang dagan sa matag panahon ning kalibutan. Kanunay kitang dunay giapas, dunay gigukod. Nahikalimot kita nga duna kita’y kuyog. Bisan anaa pa kita sa ilang atubangan apan ang atong hunahuna ug kasingkasing naglatagaw sa hingpit. Mao nga ma-caught off guard kun ugaling pasumpayon sa ilang gisugilon kanato. Angay natong matngonan kining mosunod:

A. Hunahunaa nga importante alang kanimo ang presensiya sa imong isigkaingon. Hunahunaa nga kinahanglanon gyud nga anaa siya sa imong kinabuhi.

B. Pagkamanggihatagon sa imong kaugalingon diha sa akto sa pakigkukabildo.

C. Himoang matag gutlo sa inyong panagkuyog ingon nga katapusang hugna sa kinabuhi mao nga ihatag ang tanang maayo.

Ni text ka kanako: “Imo kong gianad nga naa ka” ako ni-reply: “Kay ikaw ra diay?” Husto si Nicholas Sparks. “In every relationship there is only one rule: “Never allow the person you love feel alone especially if you are there!”