Pagpamalandong alang sa Malangkubong Kaayohan

Duha ka matang sa kagutom

Dunay duha ka matang sa kagutom. Ang pisikal nga kagutom ug ang espirituhanon nga kagutom. Ang pisikal nga kagutom masulbad lamang pinaagi sa pagkaon. Apan ang tawo nga nakasinati og Espirituhanong kagutom ang padayong magpangita sa dili hisabtang katagbawan. Mahinungdanon nga ang pagahimuon mao kining mosunod:

A. Pisikal nga kagutom Pagtrabaho aron ka mabuhi. Wala’y luna sa kalibutan ang mga tapulan.

B. Espirituhanong Kagutom-paduol sa tinubdan sa tinud-anay nga kalipay ug katagbawan pinaagi sa pag-ampo, pagdawat sa mga sakramento ug pagtuon sa balaang kasulatan. Kay ang tawo dili mabuhi sa pan lamang kun dili sa matag pulong usab nga gikan sa baba sa Dios.