Dream, believe, dare, do

Padung ko kaniadto sa Calimpon kay akong gikuha ang modyul-bata nga sarang magamit sa mga katekista nga mohimo og rekoleksiyon sa mga bata sa elementary level. Niagi ko sa Goodwill Bookstore. Didto nakita ko ang libro nga sinulat nila ni Bill Capodagli ug Lynn Jackson: “The Disney Way” Harnessing the Management Secrets of Disney in Your Company. Ang synthesis sa kinatibuk-ang prinsipyo ni Walt Disney mao kining mosunod: Dream, Believe, Dare, Do. Pordoy ra kaayo ang tawo nga wala’y damgo.

Ug kun ang tawo dunay damgo mahinungdanon pud nga iyang ihatag ang iyang kinatibuk-ang pagsalig ug pagtuo sa maong damgo. Uban ang maong pagsalig mao ang kaisog nga morisgo nga sa ato pa, andam ka sa mga kahayahay ug kalisdanan nga imong pagasagubangon diha sa imong paggambalay sa imong plano. Labaw na nga malisud kaayo nga ang damgo magpabilin lang ingon nga damgo, kinahanglang imo kining himuon ug hatagan og kinabuhi. Mao nga Dream, Believe, Dare ug Do. Kun si Walt Disney nagsugod uban ang puhonan ang 500 dolyares ug karon usa na ka inilang patigayon, wala’y rason nga ikaw makahimo usab sa ingon...Matud pa ni Jimmy Cricket: “A Dream is a wish your heart makes!”