Daghang nalipay

Gi-withdraw sa partylist congressman ang iyang bill kon balaudnon diin midili sa mga relihiyosong kalihukan ug mga relihiyosong simbolo sud sa mga opisina sa gobyerno.

* * *

Gikalipay kining pagbakwi sa maong balaudnon sa mga relihiyosong pundok sa nasud, lakip na ang simbahan dinhi sa Sugbo nga gipangunahan ni Cardinal Vidal ug Arsobispo Palma.

* * *

Daan pa gyud ko nga kadtong balaudnora dili gyud to maka “first base” sa Iningles pa. Matud pa sa usa ka higala kong pari. “Unsa may nasud sa ulo niadtong kongresista nga iya mang gisuwayan og pangontra ang Ginoo?”

* * *

Bisan gani ang mga lider sa ubang relihiyosong pundok, dili lang kay Katoliko, wala malipay sa maong balaudnon.

* * *

Ang pagsang-at sa Ubos Balay Balauranan niadtong “anti-God” nga balaudnon maoy usa ka nagpahinumdom kanatong mga botante sa pag-inabtik ning umaabot nga laing piniliay unya sa 2013. Susihon ta og maayo ang kinaiya sa mga kandidato. Magbantay ta sa mga magpapili nga “anti-God.”

* * *

TRIVIA. Maayong buntag sa atong mga magbabasa diha sa mga pantalan diin sila naghuwat og mga barkong sakyan. Salamat sa inyong suporta sa Banat News.