Kumbira!!!!!

Dakong kumbira sa kapamilya karong Sabado sa ABS-CBN Complex sa North Road Jagobiao siyudad sa Mandaue. Laing tuig nga mag-abot ang mga tigpaminawan ug ang mga personalidad sa DYAB Abante Pa Bisaya sa usa ka salo-salo.

Salo-salo nga wala kinahanglana nga mangandam ka gawas sa naandang luto sa panimalay nga imo lang bawnon ug ipaambit sa laing kapamilya nga mohimo sab sa samang pagpakigdait.

Ang panagtigom nunot sa pagtimaan sa ika Disi Siyete anyos nga kasumaran sa DYAB buksan pinaagi sa usa ka santos nga misa dayon ang mga makalingaw nga programa nga salmotan sa tanang personalidad sa DYAB.

Usa ni sa tinuig nga gasa sa DYAB sa mga tigpaminawan nga makita sa linawas nga pasundayag ang ilang mga idolo nga mabati lang sa kahanginan.Karong tuiga ang makasaysayanon nga impeachment trial batok kang kanhi Chief Justice Renato Corona maoy hatagan og linawas nga pasundayag sa DYAB.

Ang mga makalingaw’ng mga eksena ug ang mga komedya nga namugna sa matag adlaw nga husay maoy unod sa pasundayag sa makasaysayanon nga politikanhong kalihokan.

Sampol!!!! Sampol!!!! Sampol!!!!! Sampol!!!!!

(Eksena pagsugod sa husay sulod si presiding judge Enrile)

Sgt at Arms: All rise!

Judge Lapid: Your honor! If I may?

Judge Enrile: What is the pleasure of the gentleman from Pampanga?

Judge Lapid: Sabi ho kasi ng Sgt at Arms all rice! Gusto ko lang ho magmanifest na nagdadiet ho ako kaya burger tama na sa akin kahit walang rice (Toink/Aguy! Hehehehehehehe!

(Unang adlaw sa impeachment)

Judge Enrile: We are here! First, restore responsibility, to try and decide whether to convict or acquit in an impeachment case that is whether the respondent’s hands the left and the right, hold them up high so clean and bright clap them softly one two three clean little hands are good to see(Toink!/Aguy!) Hehehehehehehehehehehehe!

Komedya lang! Walang personalan! Lingaw lingaw lang para sa mga kapamilya. Busa kamong mga kapamilya nga wala pa makatambong welcome mo sa pagsalmot sa tinuig nga kapamilya kumbira.

Wala kinahanglana nga lamian ang imong pagkaon nga dad-on, ang labing importante ang espirito sa pagpakigdait, tinud-anay nga panag-ambitay sa grasya ug ang pagpahinumdom nga dili imposebli ang kahiusahan.

Kita kits ta kapamilya. Diyes ug Siyete na Abante pa.

(emaiad:[email protected])