Mga lima na ka tuig nga minglabay dunay usa ka pundok sa mga estudyante nga nag-tree-planting sa usa ka bukirang barangay ning dakbayan. Usa niini mao si Carlos (dili tinuod niyang ngalan).
* * *
Si Carlos nipauli adtong miaging semana gikan sa Australia diin siya nanarbaho. Samtang nagplano pa siyang mouli sa Sugbo si Carlos nagsige nag hunahuna sa punuan sa kahoy nga iyang gitanum.
* * *
Dako ang iyang pagkadismaya dihang iyang gibisitahan ang dapit nga gitamnan niya’g kahoy uban sa iyang mga classmate ug wa siya’y nakitang bisan usa ka punoan sa kahoy nga ilang gipananum.
* * *
“By this time, dagko na unta ang mga gipananum namong mga punoan sa kahoy. LIma ka tuig na gud nga minglabay,” matud ni Carlos. Nida pa man gani siya og picnic tent nga iya untang i-pitch ilawom sa punuan sa kahoy nga iyang gitanum.
* * *
Kahinumduman nga kining tagsulat nisugyot sa usa ka artikulo kaniadto nga human sa tree-planting dili biyaan ang tinanum kay kan-on sa mga hayop nga naglaag-laag sa kabukiran.
* * *
Mo-assign unta og mga tawo nga anha nanimuyo sa bukid nga tabangan og atiman ang mga seedling nga gipananum. Sa ubang probinsiya mao kini ang ilang gihimo ug nangabuhi ang mga punuan sa kahoy nga gihaguan sa pagtanom sa mga civic oriented citizens.
* * *
TRIVIA. Maayong buntag sa atong mga higala diha sa Talamban. Salamat sa inyong suporta sa Banat News.