DYAB dagan sa disi-siyete

Mana: Bitoy use the word run in a sentence?

Bitoy: Mao na Mam! Maayo lang mo og iningles, binisay-a na aron makita ang katag.

Mana: Na hala gamita ang dagan sa hugpulong.

Bitoy: Simple! Dagan is dangerous.

Mana: Nganong na dangerous man ang dagan Bitoy?

Bitoy: Dagan gud na mam sa binisaya pa “ang pusil” ”the gun” (Toink!/Ayay!)

Nagkasabot gyud! Hehehehehehehehehehe!

Pormal nang gilusad gahapon sa Park Mall pinaagi sa Maayong Buntag Kapamilya ang DYAB Abante Pa Bisaya Kapamilya Run year ’12.

Labing sayo nga pangandam ug pagpahibalo tuyo nga gihimo sa ika-12 ka tuig sa Kapamilya run aron paghatag og taas nga kahigayonan sa mga kapamilyang gustong musalmot sa kutas apan bibo nga paugnat sa kusog.

Walay pili sa gustong musalmot labing maayo kon tibook pamilya aron tibuok ang benepisyo, kun sa kape pa 2 in 1 ang dating “ Pangkapamilya na pang sports pa”.

Siano: Toy kumusta daog ka sa lumba sa dagan.

Bitoy: Wala lagi.

Siano: O di ba gitagaan ka man og sekreto nga latin sa imong lolo aron mudaog?

Bitoy: Gitagaan bitaw gisulat sa papel.

Siano: Wala diay nimo basaha?

Bitoy: Akong gibasa oy!

Siano: Unsay nakasulat?

Bitoy: Sakay og motor(Toink!/Aguy!)

Hehehehehehehehehehehehehe!

Gidapit sab namo sa pagsalmot ang bisan unsang mga kahugpongan. Mas alegre ug mas bibo kun panon mo sa pagdagan. “Ang Kapamilya run year 12” gilangkoban sa 21K half-marathon, 12k, 6k ug 3k run.

P500.00 ang registration fee sa 21k diin ang matag-runner makadawat og medalya sa pagtapos sa rota, P350.00 sa 12k samtang P250.00 alang sa 6k ug 3k runners. Mahimong makaparehistro sa Park Mall, Wow Travel and More Emall ug Gaisano Mactan ug sa JMALL. Mahimo sab nga sa ABS-CBN complex sa Jagobiao Mandaue City mo magparehistro.

Ang pagpahigayon sa “Kapamilya run year 12” kabahin sa usa ka buwan nga pagtimaan sa ika dise-siyete nga kasumaran sa DYAB Abante Pa Bisaya.

Senyang: Mare nganong nanampiling man ka?

Mana: Lagot ko sa imong kumpare gibitin ko gabii.

Senyang: Ha! Dili ba runner man na si Pare taas gyud na’g hangin.

Mana: Taas tinuod kutob ra gyud sa 21K.

Senyang: Ah! Reklamo pa ka ana kalayo anang 21k half marathon naman na.

Mana: Og dagan! pero sa katre sus 21 ra gyud, baynte uno kahandos finish line dayon (Toink!/Aguy!)

Hehehehehehehehehehehehehehe!

Ayaw og palabya mga kapamilya! Managan ta sa KAPAMILYA RUN YEAR ’12 sa DYAB ABANTE PA BISAYA. Kitakits!

* * *

(emialad:[email protected].)