Katawa

Usa ka higayon nakita ko ang usa ka pundok sa mga batan-on nga nag-alirong sa usa nila ka kauban nga naghilak. May usa nga nihuwap-huwap sa buko-buko nga nagpahiyom ug may gisulti nga ang tanan nahikatawa lakip na ang naghilak.

Sa ato karong panahon diin ania kita sa kabag-ohan diin ang tanan sayon sa atong paglihok. Apan kung buot sabton anaa ang tumang kalisod kay kinahanglan man gyud maantigo tang mupalihok niini. Ang tinuod dili kini makalipay kanato hinunoa makahasol kanato.

Ang matuod nga kalipay anaa ra gayud kanato ug kini mahatag ug madawat nato pinaagi sa atong mga talidhay nga nagsugod sa yanong pahiyom. Kita nagpaambitay sa pagpagaan sa atong mga palas-unon sa kinabuhi. Pinaagi sa katawa napamatud-an nato ang pagdugtong sa kinabuhi niining kalibutana.

Ang katawa maoy gasa sa Ginoo kanato aron kita molahutay sa pakigbisog sa kinabuhi nahimo kitang kabahin sa atong isigkatawo kay napagaanan man ang mga kasakitan nga ila usab gipas-an.

Sama sa panultihon ang katawa maoy labing epektibo nga medisina sa usa ka masakiton.