Ang Lama

Matag usa kanato adunay lama nga ikabilin kun hain man kita mahimutang. Ang lama maoy mopahinumdom sa mga nahabilin kun unsang matanga kita sa pagkatawo ug kun unsang matanga sa disposisyon ang atong gihambin sa dayon natong pagbiya. Ang lama maoy mopahimo kanatong buhi sa gihapon bisan pa man kun kita patay na. Sa laktod, dili gyud ma-anihilate ang tawo sa hingpit. Mao nga mahinungdanon kaayo nga batonan nato ang pagtinguha alang sa usa ka maayong sanglitanan sa kadaghanan. Nga bisan pa man kun kita wala na, padayon gihapon kitang makahatag og inspirasyon ngadto sa uban.