Sila si Mr. and Mrs. Cesar —Tessie Muñez ug ang mga kaubanan sa San Roque Child Development School ang nidapit nako sa usa ka adlaw niana sa pagpanalangin sa srcDS Discovery Hills nga nahimutang sa may Tilhaong, Consolacion, Cebu. Mingaw ang maong dapit, haom nga dapit sa Pamalandong, Pag-ampo ug Pagpahulay.
Ning panahon sa kuwaresma ug sa Semana Santa, mahimong moadto ang si bisan kinsang interesado tawag lang sa tel. 564-2992.
Kada usa nato ang gidapit aron masaka ug magpabilin sa atong mga Discovery Hills sa atong kaugalingon aron aninawon ang imong kahimtang kun asa ang imong padulngan ug diin ang imong gigikanan. Mahinungdanon kini aron hisayran mo ang imong kinatibuk-ang sugilanon sa imong kinabuhi.