Bwahaha sa ting-init!

Hastang inita na gyud sa panahon! Ang kainit daw misamot dihang gipahibalo sa PAGASA nga mas hait ang init nga masinati sa berano (summer) ning tuiga.

Murag mosamot pa ang kainit kun motanday ta sa buhagay sa mga gitapok-ang isyung lokal ug nasyonal. Busa palahi ta ha mga friends. Ari lang ta sa mga sugilanong wala kinahanglana ang panagbayloay sa panahom.

(Dihay pasiyente sa mental gieksamin sa doktor kun maayo na ba gyud)

Doktor: Bitoy para unsa ka nang baroto?

Bitoy: Sakayan sa mananagat.

Doktor: Very good. Asa mana gamiton?

Bitoy: Sa dagat.

Doktor: Very good! Kun ikaw maoy mananagat unsa may imong dad-on?

Bitoy: Natural, bugsay, pasol ug bisiklita.

Doktor: Ha! Nganong naa may bisiklita?

Bitoy: Aron og kapuyan kog bugsay ako lang bisiklitahon(Toink!/Ayay!) Bwahahahahahahahahahaha!

(Duha ka managhigala naghisgot nganong dunay gwapo ug bati)

Siano: Bay Mengoy nganong duna may gwapo ug bati nga ingon man ang ginoo “all men are created equal”?

Mengoy: Duda ko wala makopya ang tibuok sentence ana.

Siano: Ha! Sa ato pa putol na. Unsa may sumpay ana?

Mengoy: Kuan siguro “All men are created equal but it depends on the pattern”(Toink!/Aguy!) Bwahahahahahahaha!

Tinuod gyud diay ang panultihon nga ang pulong kausaban mao ra ang matuod nga permamente sa kalibotan sa mga buhi.

Niadto:

Buloy: I want to become a soldier to protect the people.

Karon :

Bitoy: I want to become a soldier to be a euro general (Toink!)

Ang bag-o:

Siano: I want to become a lawyer, then prosecutor, then a judge and finally a chief justice.

Mana: Very good anak! Why man gusto ka mag-chief justice?

Siano: Because a chief justice has 27 allowances (Toink!/Aguy!) Hehehehehehehehehehehe!

Nasayud ba mo nga duna diay pag-ampo ang mga palahubog?

“Pag-ampo sa palahubog”

Ilimnon namo, nga naa sa tanang dapit

Pagdaygon ang imong tindahan, ibaligya kanamo ang binong lamian

Matuman ang inyong presyo, dinhi sa amo ug inyong dapit.

Ang ilimnon namo sa matag-adlaw

Itinda karong adlawa

Paningla kami sa among mga utang

Ingon nga maningil kami sa mga nakautang kanamo

Ug dili mo kami ihingilan kun mahubog

Hinunoa tagayi kami hangtod molukapa Again!(Yabag na!/Toink!) Hehehehehehehehehehehe!

Peace brother! Lingaw lingaw lang Aguy!

(emailad:[email protected])