Mogula matag Martes ug Biyernes

Sa ato nang gihisgutan dinhi, usa ka langyaw’ng peryodista mibutyag nga kono ang atong mga balaud dinhi sa atong minahal nga Pilipinas, are mere suggestions. Sa ato pa, mga sugyot lang… sa ato pa, di kinahanglan tumanon.

Duna say miingon nga ang gisiguro sa atong gobyerno pagpatuman mao ang mga tax laws. Pangulekta sa buhis. Abtik kaayo ang gobiyerno niini.

Usa sa mga balaud nga nahulog lang gyud nga mere suggestion, sa ato pa, kutob lang sa papel ug di kinahanglan tumanon, mao kining bahin sa pag-update unta sa pension sa mga retirees. 

Ang RAs 9257 ug 9994 kon Expanded Senior Citizens Act of 2003, ug 2010 nagkanayon: “Retirement benefits of retirees from both the government and the private sectors shall be regularly reviewed to ensure their continuing responsiveness and sustainability, and to the extent practicable and feasible, shall be upgraded to be at par with the current scale enjoyed by those in actual service.”

Gituman ba ni? 2003 pa gud ni nga balaud … karon 2012 na. Kinsa may atong sangpiton aron mapatuman ang maong balaud? Pila sad kaha ka libo ka balaud, lakip na sa mga local laws and ordinances, ang nagpabilin nga “mere suggestions?”

Mao bitaw nga dunay mga sugyot nga ang Kongreso magpanday og balaud nga magbuot pag-review sa mga balaud nga wala matuman ug wala tumana. I-suspend una ang pagpasar og bag-ong mga balaud, ug ang buhaton sa Kongreso ug mga local legislative bodies mao ang pag-review sa mga balaud nga wala matuman.

 Labing seguro, on their own, dili gyud molihok ang GSIS ug SSS niini. Alang nila, molihok sila’g sa dili, umintohan o dili ang pension sa mga senior citizens, dili magsakit ang ilang tiyan, dili maglabad ang ilang ulo, ug sige ang dagku nilang mga sweldo ug mga allowances. Why would they care?  

Hinumdoman nga sa iyang letter-opinion sa Inquirer, si kanhi Director Joe Gapas sa DENR mipalanog sa iyang kasagmuyo sa kahimtang karon sa mga senior citizens, nataligam-an sa gobyerno. 

Atong kutloon pag-usab ang pamahayag ni Gapas: “President Aquino has approved an extra Christmas bonus for government employee, this aside from the 13th-month pay. It certainly is good tidings for them and their families. But the President has forgotten or ignored a more needy and even more deserving sector of our society … the senior citizens.

“Since the administration of President Cory, to the present, there has been a series of salary adjustments for public employees. But no increase has been given to the senior citizens’ pensions. Our leaders seem to think that the retirees and senior citizens have exhausted their usefulness . So they can now be ignored and forgotten.”

 “The previous administrations called the Filipino overseas workers our modern-day heroes. But if there are heroes, it is us who stayed, who did not leave, who did not run away from the challenges,who should be called heroes.”

* * *

Correct ka, Joe! In the meantime, paminaw ug interact sa Senior Citizens Hour sa DyRC 648 kHz, 4:00-6:00 pm, matag Sabado, Tels. 4125249, 2388173.