Ang Pebrero II gideklarar sa simbahan nga World Day of the sick SICK.Mao nga ang Misa anang adlawa nga mao usab ang Pangilin ni Maria Berhin sa Lourdes ipahinungod alang sa mga masakiton.Bisan asang simbahana, daghan kaayong mga tawo ang magpahilog. Timaan kini nga daghang mga tawo ang nangandoy nga maayo. Mao nga usa sa mga gamhanang dalangpan mao man gyud ang pag-ampo.
Kun ang kaayohan na gani ang hilisgutan, matarong lamang nga atong sabton kini sa mas linangkob nga pagsabot ug pagsinati, nga sa ato pa atong sabton kini lawasnon ug espirituhanon. konektado ang tanan. Mao nga makatarunganon nga ayohon ang kinatibuk-an sa tawo. Ang Pebrero II, pahinumdom kun unsa diay kasamaran ug kamaluyahon natong mga tawo. Apan sa laing bahin, gipahinumduman kita nga ang kaayohan gimbut-an sa Dios nga maangkon nato.