Every child is special

Nakahatag nako og pagtagad kining maong film. Busa ako kining gipalit ug gitan-aw. Ang bida mao ang bata nga si Ishaan. Maglisud og basa, maglisud og sulat. Ang iyang mga maestro ug maestra ang gisamokan na niya. Gani, nahimo siyang kataw-anan sa iyang mga classmates.Apan ang iyang art teacher ang nakakita sa iyang potential sa dihang siya gibalhin sa iyang mga ginikanan ngadto sa laing eskwelahan. Above average diay ang maong bata. Dunay talagsaong talento sa pag-drowing.

Ang gikinahanglan lamang mao ang panahon. Mapailobong panahon. Butang nga wala niya hikit-i sa iyang pamilya labi na gyud sa iyang amahan nga tinoud dunay maayong tumong apan nagdali nga siya makakat-on.

Bililhon ang matag bata. Ang mga bata mao ang atong kaugmaon. Ang mga bata maoy mosalamin kun unsang matanga kita sa mga hamtong nga kanila niatiman.Ang paggahin og panahon dako kaayo og kahimoan aron ang usa ka tawo makakita sa iyang bili ug hinungdan kun nganong gikinahanglan niyang magpakabuhi. Dili sa tanang higayon ang problema sulbaron hinuon ang mga problema ang una sa tanan, saw-an ug tagam-tamon.