I love you

Kini mao ang pinakatam-is nga pulong nga angayang madungog ni bisan kinsa kanato. Apan sa laing bahin, subo usab palandungon nga kini mao ang pulong nga giabusaran sa kadaghanan kanato. Ang mosulti man tuod niini apan wala pud nila sinatia diha sa ilang kasingkasing. Ang uban mosulti man tuod niini apan walay kuyog nga kamatuoran. Ang matam-is nga pahiyom mamahimong usa ka pahiyom diay sa pagbudhi. Kun ang tawo mahigugma wala kini mag-agad sa bisan unsang butang nga mapaabot. Ang gugma mismo usa ka dakong risgo nga mamahimong dili ka mahatagan og gugma isip bawos sa imong kamatinud-anon. Apan alang kanako husto gyud kining maong paghulagway: “I Love You not only for what you are but for what I am when I am with You!”