Hari o Corona

Buloy: Toy kun si Edu Baga moadto og Amerika unsa namay iyang ngalan didto?

Bitoy: Kasayon Ed Liver

Buloy: Kun si Juan Lakaw-lakaw

Bitoy:Jonhny Walker

Buloy: Pero dili ba sa dokumento una man ang apelido Toy.

Bitoy: Una gyud.

Buloy: Aw og si Chief Justice Corona, Renato maoy moadto sa Amerika unsa na may iyang ngalan?

Bitoy: Aw Crown, Regency(Toink!) Aguy! Kadakong Club Ultima Hehehehehehehehehehehehehe! Sa sugal nga hantak pabor ang bangka kun magpasulabi ang korona apan kun moantog ka lang dehado ang imong linya.

Niining pagsugod na sa husay sa impeachment complaint batok kang Chief Justice Ranato Corona mupabor kaha niya ang iyang bansagon nga dili man siya maoy bangkero?

Mana: Senyang give me an example of common grounds sa impeachment complaint batok kang Former President Estrada ug Chief Justice Renato Corona.

Senyang: Silang duha gireklamo og Betrayal of Public Trust and Culpable violation of the Constitution.           

Mana: Very Good. Ikaw Bitoy give me another common grounds.

Bitoy: Another common grounds? Kuan mam pareha sila nga sakyanan og apelido.

Mana: Unsay sakyanan og apelido?

Bitoy: Ay sus mam ka klaro ana, Sa Presidente Mitsubishi Estrada sa Chief Justice Toyota Corona. (Toink!/Ayay!) Hehehehehehehehehehehehehehehe!

Taas ang proseso sa impeachment process. Apan mahimong sa dagan sa husay makabatyag ka na asa ang rota sa biyahe ug asa nakasakay ang mga senador huwes. Ang labing importante alang naku mao ang kahigayonan nga masaksihan sa mga Pilipino pinaagi sa live coverage ang tibuok dagan sa husay. Dili lang kay masaksihan sa mga magbubuhis ang paglihok sa sistema sa balaod sa atong Nasud. Ang labing mahinungdanon nga atong masaksihan pinaagi sa proseso ang tinud-anay nga nagbawon sa kamatuoran.

Busa dili angay mabalaka si Chief Justice Corona sa mga nagtinguha pagtangtang kaniya. Kay kun siya maoy tinuod nga naglukdo sa katarong dili na malimod sa mga mata sa katawhan.

Ang ako lang kinabus nga tip sa kampo sa labaw’ng pango sa hukmanan ayohon lang nila og bahin ang katarongan nga malata ug dili malata.(Toink!/Iho!)

Siano: Mengoy unsay uso basta kalagkalag?

Mengoy: K-B Kandila ug Bulak

Siano: Sa Pasko ug Bag-ong tuig?

Mengoy: P-P Parol ug Paboto

Siano: Sa impeachment?

Mengoy: Kuan S-B na.

Siano: Unsa manang S-B?

Mengoy: Sayop ug Bakak.(Toink!/Aguy!) Hehehehehehehehehehehehehehe!

Kun sama palang sa hantak ang proseso sa impeachment paswerte lang ang tsansa sa hari ug korona. Apan sa impeachment kinahanglan man sa matag-antog ang ebidensiya ug proyba naa sa mga nagtan-aw ug nagsunod ang tinuod nga resulta hari ba o corona. Amen!

(emailad:[email protected].)