Buwan pa sa Disyembre 2011, giasikaso na sa mga tinugyanan sa Kongreso ang lugar nga diin aslon sa mga pangutana si Chief Justice Renato Corona sugod karong adlawa. Mata’g senador nga mogisa kang Corona pulos mosukit bahin sa mga tinaguang katigayonan niya ug uban pang isyu nga maylabot sa iyang pangatungdanan sa labing taas nga hukmanan sa yuta.
Unya di ra ba kay igo lang mangutana og mga butang nga mahimo rang tubagon og yes or no ni Corona, nya human na. Hesus kay ang pait magdala man og folder o kaha envelope ang mga imbistigador nga kun ang tubag ni Corona murag pamakak, follow apan man usab dayon og kuwestiyon pinaagi sa pag-ingon nga “unsa man kining nia sa usa ka dokumento nga mao na? unsa may tinuod, ang imong tubag ug kining nia sa usa ka opisyal nga papeles? Anha na magsugod og ka-kulba hinam ang eksena nga sa unang sultada pa lang masabtan na nimo nga murag takilid gyud ang bida. Ang giingon ni Corona nga murag nasuko pag-ayo sa PNoy kaniya kay gihukman niya nga ipanghatag ang yuta sa Hacienda Luisita ngadto sa mga mag-uuma, mahimo usab baya nga tinuod. Apan di man kini maoy sentro karon sa imbistigasyon, kundi kini mang daghang katigayonan ni Corona ug ang panlimbasug niya nga makagawas si kanhi Presidente Arroyo ngadto sa laing nasud luyo sa kamatuoran nga nag-akal ang kasong atubangonon niini dinhi sa Pilipinas.
Unya maayo ra ba kaayong pagkabukoha kay sa pamatuod niya nga murag talibutong bomba ang kanhi presidente nga kundi kuno madala sa gawas nasud malagmit moboto gyud o kaha makabsan sa kinabuhi kay lagi talandugon ang iyang sakit, aw hain mana karon, nga maayo naman ang panglawas hinuon sa Kongresista karon. Ang nakapait lang kay naayo man tuod apan anaa sa bilanggoan nga nagpamatuod nga mas kridebli ang pagpugong sa Department of Justice kaniya kay sa gusto ni Corona nga pagpalarga unta sa kanhi Pamuno nasud. Di ba?